بسم الله الرحمن الرحيم

الصلاة والسلام على اشرف المرسلين سيدنا محمد صلى الله عليه وسلم
احب اقول كل عام وكل الناس على ارض الله بخير بمناسبة يوم شم النسيم وانا بحب قوى اليوم ده علشان دايما بيجى يوم الاثنين وده اليوم اللى الارض اتشرفت فيه بقدوم اشرف خلق الله واتزينت الارض بالورد واللون الاخضر اللى انا بحبه قوى
ويارب كلنا نبقى مع الرسول محمد صلى الله عليه وسلم فى الجنة ومنتحرمش من رؤيته عليه الصلاة والسلام فى الاخرة لاننا اتحرمنا من رؤيته فى الدنيا
ونصحتى انهارده اننانتوكل على الله يعنى نعمل اللى علينا ونسيب النتيجة على ربنا واكيد ان الله لا يضيع اجر من احسن عملا
اتركم فى محبة الله
واكيد للحديث بقية

بسم الله الرحمن الرحيم

الواحد لما بيشوف ناس كويسه بيطمن ويقول ان الدنيا لسه بخير وفى امل ان الناس فيها الخير وانه بالرغم من الظلم اللى بنواجه فى حياتنا سواء من اللى نعرفهم او حتى من اللى منعرفهمش وسوء حكمهم على بعض فى بصيص نور بيشع صحيح ممكن مايكونش واضح الا انه موجود فاكيد اللى هيدور هيلاقى ولو حتى انسان واحد موجود فى حياته بس يدور عليه والاهم من ده كله حسن النية فى الانسان اللى بنتعامل معاه ومقصدش من ده انك تكون خضوع وتنقاض حولين افكاره وعلشان تتجنب الموضوع ده هو ان الانسان يحب الانسان لله اى لوجه الله تعالى وليس لمصلحة عايز تقضيها او لانك بتحبه وخلاص فاسمى حب فى الوجود هو الحب فى الله اى ان الواحد ماينتظرش حاجه من الى قدامه وفى الحاله دى لو اتسبب فى اى اذى مايزعلش والخير اللى قدمه هو لوجه الله يعنى من الاخر محدش ينتظر اى حاجه سواء كويسة او سيئه من اللى بيتعامل معاه .وابقى اكمل المرة الجاية.

بسم الله الرحمن الرحيم

: الصلاة والسلام على اشرف المرسلين
سيدنا محمد صلى الله عليه وسلم

الواحد صراحة مش عارف يبتدى بعد كده ب ايه, حقيقى احساس غريب ان تكون عندك حاجات كتير عايز تعبر عنها ومش عارف تبدا بانى فيها اقولكوا خلينا فى الحاجات اللى بتدى تفاؤل بدل الحاجات اللى مليه العالم دلوقتى وبتحسس الواحد ان العالم قرب ينتهى وعلى راى "سعد باشا زغلول لما قال مفيش فايده" بس برده اكيد الناس ممكن ترجع لاصلها وتبقى كويسه زى الاول وترجع محبتهم لبعض وخوفهم على بعض من تانىوكل واحد يتمنى الخير للتانى بدل ما كل واحد همه مصلحته وبس ياجماعة الخير اكيد موجود بس علىكل واحد انه يطلع الخير ده ويظهره للناس حتى لو اقرب الناس ليه ومايبخلش بحاجه كويسه يعملها حتى لو كانت صغيرة جدا فهى اكيد كبيرة بالنسبه لغيره اقولكوا على ابسط حاجة ممكن الانسان يعملها الكلمة الحلوه تيجوا نبتدى من انهارده وكل واحد يقول كلمة طيبة لغيره سواء كان الاب او الام او الاخ او الاخت او حتى اى حد من الاصدقاء ولو حتى البواب ومن اجملها ربنا يعزك ربنا يفرجها عليك ربنا يكرمك ربنا يرضى عنك اى كلمة من الكلام اللى ممكن يدى امل عارفين ان كل كلمة دعاء بتتدعيه لحد بيجى ملك يقول ولك مثله فتخيلو ان الواحد لما يدعى لغيره ويدعى لنفسه فمعنى كده ان الواحد دعى لنفسه مرتين شئ جميل فعلا اسبكوا تفكروا فى الكلام ده وابقى اكمل كلامى بعدين انشاء الله